Go to frontpage
Go to frontpage

Fjárfesting til framtíðar

Við hjálpum skipulagsheildum að vernda og endurheimta náttúruauðlindir fyrir framtíðarkynslóðir, byggja upp ný og verðmæt störf á sviði grænnar nýsköpunar og sköpum vettvang til að takast á við áskoranir í umhverfismálum.

Heildarlausn á sviði umhverfis- og sjálfbærnimála

Stafrænar lausnir Klappa mynda einstaka samverkandi heildarlausn á sviði umhverfismála og sjálfbærni. Klappir líta á uppbyggingu á stafrænni tækni fyrir umhverfismál og sjálfbærni sem eina af mikilvægustu forsendum þess að árangur náist í umhverfis- og loftslagsmálum. Uppbygging á stafrænni tækni fyrir umhverfismál er í raun mjög brýnt innviðamál en Klappir hafa þrætt áherslur umhverfis- og loftslagsmála inn í allt atvinnulíf á Íslandi, auk þess sem Klappir vinna að því að auka og efla umhverfisvitund í samfélagi okkar. Þetta skapar einstök verðmæti fyrir íslenskt samfélag.

Rafrænn hluthafafundur Klappa Grænna Lausna hf. 18.11.2022

Stjórn Klappa Grænna Lausna hf. boðar til hluthafafundar í félaginu sem haldinn verður með rafrænum hætti föstudaginn 18. nóvember 2022. Fundurinn hefst kl. 15:00.

Dagskrá fundarins:

  1. Ávarp stjórnarformanns.
  2. Tillaga um útgáfu áskriftarréttinda, heimild stjórnar til hlutafjárhækkunar og kaupa á eigin bréfum.
  3. Tillaga um nýjar samþykktir félagsins.
  4. Önnur mál löglega fram borin.

Hluthafar eiga rétt á að fá mál tekin fyrir á fundinum ef gerð hefur verið skriflega eða rafræn krafa þar um. Óski hluthafi eftir að koma máli eða tillögu á dagskrá fundarins skal slík beiðni hafa borist skrifstofu félagsins eða á netfangið investors@klappir.com eigi síðar en 10 dögum fyrir fundinn, þ.e. fyrir kl. 15:00 þann 8. nóvember. Slíkri kröfu skal fylgja rökstuðningur eða drög að ályktun til stjórnar félagsins eigi síðar en viku fyrir fundinn eða fyrir kl. 15:00 þann 11. nóvember.

Endanleg dagskrá og tillögur verða birtar 11. nóvember til samræmis við samþykktir félagsins.

Skráning hluthafa á fundinn fer fram á heimasíðu félagsins. (Skráningu er lokið). Skráðir aðilar fá sendan hlekk á fundinn. Fundurinn fer fram í gegnum fjarfundabúnað þar sem hluthafar geta fylgst með aðalfundarstörfum og tekið þátt í fundinum.

Hluthafar geta látið umboðsmann sækja hluthafafundinn fyrir sína hönd. Umboðsmaður skal leggja fram skriflegt umboð. Hluthafar eða umboðsmenn hluthafa sem hafa hug á því að sækja fundinn eru beðnir um að skrá sig á heimasíðu félagsins eigi síðar en kl. 15:00 þann 16. nóvember.

Hluthafar skulu greiða atkvæði um mál sem eru á dagskrá fundarins bréflega. Atkvæði skulu hafa borist skrifstofu félagsins eða á netfangið investors@klappir.com eigi síðar en fimm dögum fyrir fundinn, þ.e. fyrir kl. 15:00 þann 13. nóvember.

Aðrar upplýsingar Öll skjöl og tillögur sem lögð verða fyrir hluthafafund verður að finna hér:

Teng skjöl:

Ályktunartillögur stjórnar Klappa Grænna Lausna hf. (IS-only)
SAMÞYKKTIR FYRIR KLAPPIR GRÆNAR LAUSNIR HF.

Kópavogur, 20. október 2022 Stjórn Klappa Grænna Lausna hf.

Skjalasafn

Hafa samband

Ef þið viljið fá frekari upplýsingar þá endilega hafið sambandi við okkur contact@klappir.com