Go to frontpage
Go to frontpage

Deila grein

22. mars 2022 Frétt

Heiða Lára ráðin mannauðsstjóri

Heiða Lára Heiðarsdóttir hefur verið ráðin mannauðsstjóri hugbúnaðarfyrirtækisins Klappa grænna lausna. Hún gegndi áður starfi mannauðsstjóra hjá Benchmark Genetics og þar áður var hún mannauðsstjóri hjá Marorku.

Klappir

„Ég hlakka til að vinna með öflugu teymi fagfólks að áframhaldandi uppbyggingu Klappa með sjálfbærni og umhverfismál að leiðarljósi,“ segir Heiða Lára.

Grænar lausnir Klappa miða meðal annars að því að hjálpa fyrirtækjum, sveitarfélögum og stofnunum að byggja upp innviði á sviði upplýsingatækni til að takast á við áskoranir sem framundan eru í umhverfismálum, ekki síst vegna alþjóðlegra skuldbindinga um að draga úr mengun. Fyrirtækið hefur vaxið hratt á síðustu tveimur árum og eru nú með rúmlega fjögur þúsund notendur í yfir 20 löndum nýta lausnir félagsins.

Jón Ágúst Þorsteinsson, forstjóri Klappa:

„Við bjóðum Heiðu Láru velkomna til okkar og erum viss um að hún mun styrkja þann góða hóp starfsmanna sem fyrir er hjá Klöppum. Í upphafi voru Klappir eingöngu hugmynd að því sem koma mætti í framkvæmd með samstilltu átaki fjölmargra hagaðila sem deildu sömu sýn. Í dag erum við drifkraftur í sjálfbærnimálum á Íslandi. Hundruð fyrirtækja vinna með hugbúnaðarlausnir Klappa og nýta þær til að ná árangri í sjálfbærni. Þá er stafrænt vistkerfi okkar farið að teygja sig út fyrir landsteinana. Það eru mjög spennandi tímar framundan.“



Tengdar greinar:
Hvers vegna er tímabært að huga að CSRD?
Störf í boði
Um okkur

Klappir22. mars 2022

Deila grein