Go to frontpage
Go to frontpage

Deila grein

9. mars 2022 Frétt

Klappir Nordic stofnað og opnar skrifstofu í Kaupmannahöfn

Hugbúnaðarfyrirtækið Klappir grænar lausnir hefur stofnað dótturfélagið Klappir Nordic ApS og opnað skrifstofu í Kaupmannahöfn. Tveir starfsmenn hafa þegar verið ráðnir á skrifstofu Klappa Nordic sem er í fallegri byggingu við Íslandsbryggju í Kaupmannahöfn.

Klappir

,,Við höfum fengið góðar viðtökur í Danmörku síðustu mánuði og því var ákveðið að stofna Klappir Nordic. Þar eru nú starfandi tveir starfsmenn félagsins, þau Martin Kahl og Isabelle Broddén, sem munu þjónusta Norðurlöndin. Þau hafa hafa bæði víðtæka reynslu í þessum geira. Við bindum miklar vonir við að styrkja stöðu okkar enn frekar á Norðurlöndunum með stofnun Klappa Norcic," segir Anton Sigfússon, framkvæmdastjóri vaxtar og sjálfbærni hjá Klöppum.

Grænar lausnir Klappa miða meðal ann­ars að því að hjálpa fyr­ir­tækj­um, sveit­ar­fé­lögum og stofn­unum að byggja upp inn­viði á sviði upp­lýs­inga­tækni til að takast á við miklar áskor­anir sem framundan eru í umhverf­is­mál­um, ekki síst vegna alþjóð­legra skuld­bind­inga um að draga úr meng­un. Þar er Par­ís­ar­sam­komu­lagið áhrifa­mikið en það er fyrsti laga­lega bind­andi alþjóða­samn­ingur sem gerður hefur verið til að draga úr losun gróðu­húsa­loft­teg­unda og hægja á hlýnun jarð­ar.

,,Klappir starfa á markaði sem mun vaxa verulega á komandi árum og er hnattrænn. Grænar lausnir Klappa eru leiðandi hvað varðar tækni og fjölbreytileika og munu því verða eftirsóttar um allan heim í hratt vaxandi markaði og tækifærin til vaxtar verða því mörg. Viðskiptastefna okkar er skýr og eins leiðarljós okkar inn í framtíðina. Klappir munu dreifa hugbúnaðarlausnum sínum á alþjóðlegum mörkuðum í samstarfi við samstarfsaðila sem hafa þekkingu og reynslu af mörkuðum sem eru annars vegar svæðisbundnir og hins vegar bundnir atvinnugreinum," segir Jón´Agust Þorsteinsson, forstjóri Klappa.

Mynd: Martin Kahl og Isabelle Broddén starfsmenn Klappa Nordic í Kaupmannahöfn.



Tengdar greinar:
Hvers vegna er tímabært að huga að CSRD?
Klappir flytja í Kópavoginn
2021 var frábært ár hjá Klöppum. Helstu tölur og niðurstöður ársreiknings

Klappir9. mars 2022

Deila grein