Go to frontpage
Go to frontpage

Deila grein

16. ágúst 2022 Frétt

Klappir undirbúa vöxt inn á nýja markaði með fjármögnun frá Nefco

Nefco, Nordic Green Bank, hefur skrifað undir lánssamning við Klappir. Hugbúnaður Klappa telur nú þegar meira en 6.000 notendur á Íslandi og í Danmörku. Fjármögnun frá Nefco verður notuð til að auka starfsemi í Evrópu og Norður-Ameríku.

Ólöf Ásta Ólafsdóttir

Aukin sjálfbærnivitund er samfélagsleg og efnahagsleg nauðsyn. Fyrirtæki verða að bregðast við gildandi reglugerðum, sjá fyrir breytingar á lögum og vera reiðubúin til að fara eftir þeim. Því er fyrirséð að aukin eftirspurn verður eftir skilvirkum hugbúnaðarlausnum til að bæta nákvæmni ákvarðana sem tengjast greiningu á sjálfbærniþáttum fyrirtækja og sjálfbærnibókhaldi.

Sjálfbærnilausn Klappa hjálpar fyrirtækjum, sveitarfélögum og stjórnvöldum að mæla og greina frá sjálfbærniframmistöðu sinni og minnka kolefnisfótspor þeirra.

Nefco, Nordic Green Bank, hefur undirritað lánssamning við Klappir. Sjálfbærnilausn Klappa telur nú þegar meira en 6.000 notendur á Íslandi og í Danmörku. Fjármögnunin frá Nefco verður notuð til að auka starfsemi í Evrópu og Norður-Ameríku.

„Alhliða samvinna, gagnastjórnun og miðlun eru lykillinn að sjálfbærari framtíð. Við veitum tæknina og reynsluna sem styður þessa mikilvægu þætti umbóta á sjálfbærni. Vöktun og tenging fyrirtækja á alþjóðlegum grunni, í sjálfbærnilausn eins og Klappir hafa þróað og selt síðan 2015 verður ómissandi þáttur í samkeppnis-, laga- og eftirlitsáætlunum stofnana, sem og fyrir stjórnvöld á öllum stigum,“ segir Jón Ágúst Þorsteinsson, forstjóri Klappa. „Græn fjármögnun Nefco gefur Klöppum tækifæri til að halda áfram að vinna að grænni og sjálfbærari framtíð og vaxa og sækja fram á alþjóðlegum mörkuðum,“ segir Jón Ágúst.

Þar sem um hugbúnaðarlausn er að ræða eru umhverfisáhrifin óbein. Hins vegar, með því að auðvelda gagnagreiningu, hvetur lausnin fyrirtæki og aðrar stofnanir til að taka upp sjálfbærari starfshætti og samþætta sjálfbærniupplýsingar í skýrsluferli sínu, í samræmi við sjálfbær þróunarmarkmið Sameinuðu þjóðanna. Matsfyrirtæki hefur metið starfsemi Klappa sem gilda og í samræmi við sértæk markmið Evrópusambandsins um að draga úr loftslagsbreytingum.

„Þetta er gott dæmi um að líta á upplýsingakerfi sem grænar lausnir sem stuðla að breytingu í loftslagsmálum. Við gerum okkur vel grein fyrir því að flokkunarkerfi ESB og nýja tilskipun um sjálfbærni skýrslugerðar fyrirtækja, geta skapað áskoranir fyrir mörg fyrirtæki að uppfylla kröfurnar. Þessi tegund af grænum hugbúnaðarlausnum hefur möguleika á að ná árangri og við erum fús til að hjálpa Klöppum á alþjóðlega markaði,“ sagði Thor Thorsteinsson, VP Green Transition, Nordic SME’s hjá Nefco.

Tengdar greinar:
Klappir semja um græna fjármögnun við Nordic Environment Finance Corporation
2021 var frábært ár hjá Klöppum. Helstu tölur og niðurstöður ársreiknings

Ólöf Ásta Ólafsdóttir16. ágúst 2022

Deila grein