Go to frontpage
Go to frontpage

Deila grein

25. febrúar 2022 Frétt

Loftslagsþing Grunnskóla Reykjavíkur

Grænskjáir og verkefnið vitundarvakning loftslagsmála í grunnskólunum var kynnt til sögunnar á Loftlagsþingi sem fram fór í Ráðhúsi Reykjavíkur, Tjarnarsal föstudaginn 25.02.2022 frá 09:00-13:00.

Klappir

Grænskjáir eru í grunninn hugmynd unnin út frá því að nýta stafræna Sjálfbærnilausn Klappa til að mæla kolefnisspor grunnskóla Reykjavíkur og efla umhverfislæsi ungmenna. Klappir, Landvernd og Reykjavíkurborg buðu fjórum einstaklingum úr hverjum skóla í Reykjavíkurborg til þess að taka þátt í Loftslagsþinginu.

Dagur B. Eggertsson borgarstjóri setti Loftslagsþingið í dag. Hann sagði meðal annars gott að sjá hve unga fólkið hefði mikinn áhuga á að hafa áhrif á umhverfið og framtíðina og hve tilbúið það væri að leggja sitt af mörkum með aðgerðum og samstilltu átaki.

Þá hvatti Guðni Th. Jóhannesson, Forseti Íslands, í rafrænu ávarpi, til bjartsýni í umhverfismálum og sagði meðal annars: „Við skulum ekki fyllast loftslagskvíða, heldur kappi. Loftslagskappi!“ Guðni sagði ennfremur að í heimi vísinda og fræða sé umhverfisvænna lausna leitað á öllum sviðum. ,,Í sameiginlegri baráttu okkar við loftslagsvá getur tæknin verið okkar besti bandamaður."

Grænskjáir innleiddir í grunnskóla Reykjavíkur

Grænskjáir, sem sýna helstu upplýsingar sem koma úr Sjálfbærnilausn Klappa, verða innleiddir inn í grunnskóla Reykjavíkur. Upplýsingar verða settar fram um kolefnislosun skólans ásamt undirliggjandi orsökum hennar, t.d. rafmagnsnotkun, samgöngur og úrgangsmyndun. Áhersla verður lögð á skemmtilega og auðskiljanlega framsetningu ásamt fræðslu um málefnið og upplýsingum um hvernig sem bestum árangri er náð. Ávinningur verkefnisins er margþættur en lítur einna helst að styrkingu skólabarna í gagnadrifnu umhverfislæsi og getu þeirra til að hugsa um loftslags- og umhverfismál á gagnrýninn, upplýstan, og skýran hátt.

Samhliða innleiðingu Grænskjánna mun Landvernd reka öflugt umhverfismenntunarstarf í skólunum með námsefni og fræðslu sem styður sig meðal annars við Grænskjáina sem skapar grundvöll fyrir því að búa til stafrænt og gagnadrifið námsefni upp úr daglegri starfssemi skóla í öllum fögum. Leikjavæðing umhverfisgagnanna verður mikilvægur liður í verkefninu til þess að auka á samanburð, samhæfingu og samhug innan skóla og á milli þeirra.

Ávinningur verkefnisins margþættur

Verkefnið Grænskjáir vann m.a. til verðlauna í flokki sjálfbærni hjá Framkvæmdastjórn Evrópusambandsins. Alls sóttu 450 verkefni frá 28 ESB-ríkjum um verðlaunin.

,,Ávinningur verkefnisins er margþættur en lítur einna helst að styrkingu grunnskólanemenda í gagnadrifnu umhverfislæsi og getu þeirra til að hugsa um loftslags- og umhverfismál á gagnrýninn, upplýstan, og skýran hátt," segir Þorsteinn Svanur Jónsson, framkvæmdastjóri vöruþróunar og einn stofnandi Klappa.

Tengdar greinar:
Klapp­ir hljót­a sjálf­bærn­i verð­laun Fram­kvæmd­a­stjórn­ar Evróp­u
Klappir og Iskraemeco vinna til verðlauna

Klappir25. febrúar 2022

Deila grein